Saturday, October 17, 2009

Jiyo tou Aisay!

Faasla Zuruur Hai
Manzilon Se Duur Hai
Hausla Magar Dikhana Chahiyay!!

Saans Hai Tou Aas Hai
Aas Hai Tou Pyaas Hai
Pyaas Hai Tou Phir Bhujana Chahiyay!!

Jhuki Jhuki Na Ho Nazren, Jhukay Na Sar - Jiyo Tou Aisay!

Sehma Sehma Sa Ho Dil Na Ho Koee Dar - Jiyo Tou Aisay!

Aaey Jo Ghum Tou Muskurao!
Muskura Kay Galay Lagao!
Aagay Aagay Barhtay Jaana Saath Sab Chalayn!

Jiyo Tou Aisay!
Jiyo Tou Aisay!

Khud Pe Gar Yaqeen Ho
Zindagi Haseen Ho
Dil Ko Apnay Yeh Bata Do Aaj Hi!
Waqt Ka Usuul Hai
Rokna Fuzuul Hai
Mushkilon Ko Yeh Bata Do Aaj Hi
Kaanton Bhari Rehguzar Na Chhootay Magar - Jiyo Tou Aisay!
Chahay Andheray Hon Rukay Na Kabhi Safar - Jiyo Tou Aisay!
Aa'ey Jo Ghum Tou Muskurao - Muskura Kay Galay Lagao
Aagay Aagay Barhtay Jaana Saath Sab Chalayn!

Jiyo Tou Aisay!
Jiyo Tou Aisay!

No comments:

Post a Comment