Saturday, May 2, 2009

Jee chahay tou...

 

Jee chahay toh sheesha ban ja, jee chahay paimana ban ja

Sheesha paimana kya ban-na, mai ban ja mai-khana ban ja

 

Mai ban kar mai-khana ban kar, masti ka afsana ban ja

Masti ka afsana ban kar, hasti sai baigaana ban ja

 

Hasti sai baigana hona, masti ka afsana ban-na

Iss honai sai iss ban-nai sai acha hai deewana ban ja

 

Deewana ban jaanay sai bhi deewana hona acha hai

Deewana honai sai acha, khaakay dar-e-jaanana ban ja

 

Khaakay-dar-e-janaana kya hai, ehl-e-dil ki aankh ka surma

Shama k dil ki thandak ban ja, noor-e-dil-e-parvana ban ja

 

Seekh zaheen k dil sai jalna, kaahay ko har shama par jalna

Apni aag mai khud jal jaaye, tu aisa parvana ban ja

 

*posted via email*

 

 

No comments:

Post a Comment